நவீன கேமிராவும்காம நாய்களின் பார்வையும்

சில நேரங்களில் சிலரின் ரசனை எவ்வளவு கீழ்த்தரமாக மாறுகிறது.சமீபத்தில் என்னுடன் பணி புரியும் இரு மலையாளிகள் ஒரு வீடியோ கிளிப்-ஐ ப்ளூ டூத் -ல் தங்களுக்கு பரிமாரிக் கொண்டிருந்தனர், நினைப்பதற்கே அருவருப்பாக உள்ள ஒன்று அந்த கிளிப்பில் இருந்தது, இன்று சாதரணமாக பெரும்பாலான இளைஞர்களால் விரும்பிப் பார்க்கப்படும் ப்ளூ fபில்ம் இல்லை அது.பெண்களின் அங்கங்களை பல கோணங்களில் படம் எடுத்துக் கொண்டிருக்கும் கேமராக்கள் கழிவறை வரை சென்றிருப்பது மிகவும் வெட்கப்பட வேண்டிய விஷயம்.அது ஏதோ ஒரு ஹாஸ்பிடல்லாகத்தான் இருக்கவேண்டும். ஒரு மிருகம் பெண்களின் கழிவறையின் மேல் பகுதியில் கேமராவைப் பொருத்திவிட்டுச் சென்று விட்டது அதில் அன்று இயற்கைத்தேவையைப் பூர்த்தி செய்ய வந்த அனைவரும் (அந்த கேமராவில்) படம் பிடிக்கப்பட்டு விட்டனர் அவை இன்று சர்வ சாதரணமாக ப்ளூ டூத்தில் பரிமாரப்பட்டுக் கொண்டிருக்கிறது.எது எதெற்க்கெல்லாம் பெண்கள் பயப்பட வேண்டியிருக்கிறது இனி பொதுக் கழிவரையை பெண்கள் பயன்படுத்த வேண்டுமென்றால் அவர்கள் அதை முழுவதுமாக சோதனை செய்து விட்டுத்தான் பயன் படுத்த வேண்டும் போலிருக்கிறது. என்ன ஒரு கொடுமை.என்னதான் நாம் விஞ்ஞானத்தில் முன்னேறி விட்டதாக மார்தட்டிக் கொண்டாலும் பெண்களை இன்றும் போகப் பொருளாகத்தான் உலகம் பார்க்கிறது என்பதற்கு இவையெல்லாம் உதாரணம் இல்லாமல் வேறென்ன.இது பெண் இனத்தை நோக்கித் தொடுக்கப்பட்டிருக்கும் பலமான தாக்குதல், நல்ல மனம் உள்ள யாரலும் சகித்துக் கொள்ள முடியாத ஒரு அவமானகரமான வரலாற்றுக் கருப்புப் புள்ளி.
நன்றி:www.adiraipost.blogspot.com
Posted by:www.crownthasthageer.blogspot.com( அரிச்சுவடி)

நடிகனடா நான் நடிகனடா

நடிகனடா நான் நடிகனடா-வேசம் போடும் நடிகனடா
கோசம் போட ஒரு கோடி மூடனுண்டு!
பாசம் காட்ட பல கோடிபக்தனுண்டு!
வேசம் கலஞ்சாலும்,
மோசம் செஞ்சாலும் ஏன் என்று எதிர்க்க ஆளுமில்ல!
என கடவுளா மதிப்பான்,உயிரையும் கொடுப்பான் தமிழன்!
நான் ஒருதவ சொன்னா- நூறு தடவ குட்டிகரணம் போடுவான்!
சாமியே சரணம் ரஜினியே காரணம் என்று பாடுவான்!
தமிழணும் ,தமிழணும் எனக்காய் மோதுவான்!
தலைவா,தலைவா என தினமும் பாடுவான்.
சோத்துக்கு தினம் போராடுவான்!
என் படத்துக்கு தினம் மாலைப்போடுவான்!
உண்ட வீட்டுக்கு ரெண்டகம் பண்ணினால் கேட்க யாருமில்ல!
பிறந்த மண்ணுக்கு அள்ளி கொடுக்க தடுக்க யாருமில்ல!
சூப்பர் ஸ்டார் யாருன்னு கேட்டா-
சின்ன குழந்தையும் சொல்லும்!
நடிகனடா தமிழ் நாட்டுக்கு கர்னாடக நடிகனடா!

-------தபால் காரன்.

அவர்களிடம் போய் சொல்வார்யாரோ?(கவிதையாய் ஒரு கதை)

காதலன்:(மனதினுல் கேட்கும் கேள்வி)

கண்ணே!

கணினி வந்திருந்த சில ஆண்டுகளில்..

நான் உன் வீட்டுக்கு உன் அக்காவான என் ஆசிரியையிடம்

கல்வி பயிற்சி பாடம் கற்று வந்த நாள் முதல்..

உன் மேல் காதல் கொண்டதை...

காகிதத்தில் கவிதையென்ற பெயரில் என் காதலை

கிருக்கிவைத்த காகிதத்தை-

உன் வீட்டு தாழ்வாரத்தில் செறுகி வைத்தேன்,

என்றாவது நீ பார்த்து காதலிப்பததை

புரிந்துகொள்வாய்யென்று.

ஏழு ஆண்டுகள் ஆகிய பின்னும் நீ இன்னும் பார்க்க

வில்லையென்பதை உன் வீட்டில் நலம்விசாரிக்க

வந்ததுபோல்,தாழ்வாரத்தை துழாவினேன் -

இன்னும் என் காதலை சுமந்த கடிதம் அங்கே!

அன்பே ! என்று நீ பார்ப்பாய்?

இல்லையாயினும், உன் வீட்டில் யாரானும் பார்த்து

முடிவுஒன்று நேரட்டுமே!

அதுவரை காதல் வேதனையாய் நெஞ்சை குடைகிறதே!

(அதே வேளை காதலியும் மனதுக்குள்..

வீட்டு தாழ்வாரத்தைப்பார்த்த படி நினைவுகளால் கேட்டும் கேள்வி)

நேற்று நீ என் வீடு வந்தாய்!

வண்ணத்துப்பூச்சி என் உள்ளத்தில் பறக்க கண்டேண்.

அன்பே! நீயனக்கு எழுத்திய காதல் கடிதம் படித்து,

நான் என் காதலை பதிலாய் காகிதத்தில் எழுதி

அத்தாழ்வாரத்தில் செறுகி வைத்தேன்!

ஆண்டுகள் ஏழு ஆயின!

நீ நேற்று வந்ததும்,உன் கைகள் தாழ்வாரத்தை வருடியதும்
வாடிய மனம் மகிழ்வு கொண்டது!

பின் நீ அக்கடிதம் எடுத்துப்பாராமல் சென்றதும் என் சுவாசம்

சுருங்கியது என் செய்வேன்?

என்னவனே! நீயெனை இப்பொழுதும் விரும்புகிறாயா

இல்லையா?

(யாரவது அவர்களிடம் போய் அவர்தம் காதலை

சொல்லுங்களேன்)

---தபால் காரன்.

விட்டுக்கொடுப்பதும்,விட்டுக்கொடுக்காததும்.

குழந்தைக்கு பாலூட்டும் தாயின் பிரியம்!
தங்கைக்கு தன் பொருளை விட்டுக்கொடுக்கும் பிரியம்!
அண்ணனுக்கு தீண் பண்டம் பிட்டுக்கொடுக்கும் பிரியம்!
இவை யெல்லாம் விட்டுக்கொடுக்கும் பிரியங்கள்!
அன்பே!
உன்னை நான் யாருக்கும் விட்டுக்கொடுக்க மாட்டேன்...
உன் மேல் கொண்ட அதீத பிரியத்தினால்.
-----தபால் காரன்.