தங்கம் வென்ற கருப்புத்தங்கம்.

(10,000 மீட்டர் தூரத்தை கடந்து ஒலிம்பிக்ஸ்சில் தங்க பதக்கம் பெற்ற கருப்புத்தங்கம் எத்தியோப்பியசகோதரிக்கு இந்த கவிதை)
ஓட்டம் மற்றவர்களுக்கு விளையாட்டு!
உனக்கோ அதுவோ வயிற்றுப்பிழைப்பு!
நீயோ ஓடி ஓடி ஓடாய் போனவள் -
உன் குடும்பம் நிழலில் தங்க!
ஓட்டத்திற்கு ஊட்ட சத்துணவு தேவை மற்றவர்களுக்கு !
நீயோ ஒரு வேளை உணவிற்கே ஓடிக்கொண்டிருப்பவள்.
பலர் தங்கத்துக்கு ஓடுகிறார்கள்.
நீயோ உன் குடும்பம் நடக்க ஓடுகிறாய்.
நீ பெற்ற தங்க பதக்கம் தாங்கும் சக்தியுண்டா உன் கழுத்திற்கு?.
தங்க மலரே-
இனி நீ யென்றும் சரித்திரத்தில் வாழ்வாய்.
-----தபால்காரன்.

முரண்பாடு

ஒழுக்கம் உயர்வானது,
உயிரைவிட மேலானது
ஆசிரியர் குறளுக்கு விளக்கம் தந்தார்..
பின்ஒரு மாணாக்கனை நோக்கிச் சொன்னார்-
போய் பெட்டி கடையில் என் பேரச்சொல்லி,
சிகரெட் பாக்கெட் ஒண்ணு வாங்கிவா!
இங்கே அவ் வொழுக்கம் தீவைத்து கொழுத்தப்பட்டது ஆசிரியனால்.
---தபால்காரன்

சுதந்திர தேசமா இந்தியா?

நேற்று என் பிள்ளையின் பள்ளியில்,
சுதந்திர கொடியேற்றத்திற்கு பெற்றோர் பங்கேற்க அழைப்பு!
கொடியேற்றி மிட்டாய் வழங்கியபின்,
வீடு திரும்பும் வழியில் சேரியை கடக்கையில்...
நிர்வாணமாய் ஆடையின்றி திரியும் சின்னக்குழந்தைகளை கண்ட பின்,
என் மனம் சிந்தித்தது....
கொடியை இறக்கி அந்த துணியை ஆடையாய் ஒரு சிறுவன்னுக்கேனும் தந்தால்?
இந்தியா மானம் காப்பாற்றப்படுமே?
இப்படி நாட்டில் உள்ள கொடிகளை கழற்ற என் மனம் விரும்பினாலும்...
எனக்குச் சுதந்திரம் இல்லை-
நினைத்துப்பார்ததில் மிட்டாய் கசந்ததே!
(ஒரு காள் வெள்ளையன் ஆழ்வது தொடர்ந்திருந்தால் சேரிக்கெல்லாம் ஆடை கிடைத்திருக்குமோ?)
-----தபால்காரன்.

மீண்டும் சில ஹைகூக்களின் ஊர்வலம்

1சொடுக்கு-விரலின் சோம்பல் முறிப்பு முனங்கல்.
2ஓடும் ஆறு-எவ்வளவு ஓடினாலும் தாகம் பேறாத வீரன்.
3மரம்-வெயிலுக்கு நிழலில் ஒதுங்காத உயிர்.
4பறக்கும் பட்டம்-படித்தவனையும்,பாமரனையும் அன்னார்ந்து பார்கவைக்கும் காகிதப் பறவை.
5குடை- நமக்கு தண்ணீர் தர மறுக்கும் கர்னாடக அரசு.
----தபால்காரன்.